काठमाडौँ, २२ भदौ । कोरोना भाइरसबाट विश्वभर २ करोड ७२ लाख भन्दा बढी संक्रमित भएका छन् । १ करोड ९३ लाख भन्दा बढी निको भएका छन् । वाल्र्डओमिटरको तथ्याङ्क अनुसार २,७२,८८,५८६ संक्रमितमा १,९३,७०,८५८ निको भएका छन् ।
कोरोनाबाट मृत्यु हुनेको संख्या ८,८७,५४९ पुगेको छ । सबै भन्दा बढी कोरोना प्रभावित देश अमेरिकामा १,९३,२५० जनाको मृत्यु भएको छ भने संक्रमित संख्या ६४,६०,२५० पुगेको छ । ३७,२५,९७० जना निको भएका छन् ।
अमेरिका पछि भारतमा सबै भन्दा बढी कोरोना संक्रमण फैलिएको छ । संक्रमितको संख्या ४२,०२,५६२ पुगेको छ । अहिलेसम्म ७१,६८७ जनाको मृत्यु भएको छ भने ३२,४७,२९७ निको भएका छन् ।
