नेपालमा थप ६४१ जनामा कोरोना संक्रमणको पुष्टि : संक्रमित संख्या २६,६६० पुग्यो

काठमाडौं, ३२ साउन । नेपालमा पछिल्लो २४ घण्टामा थप ६४१ जनामा कोरोना भाइरस संक्रमित थपिएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार १३४ जना डिस्चार्ज भएका छन् भने थप २ जनाको मृत्यु भएको छ ।

हालसम्म संक्रमित हुनेको संख्या २६ हजार ६६० पुगेको छ । कोरोनामुक्त हुनेको संख्या १७ हजार ३ सय ३५ पुगेको छ । कोरोनाका कारण १०४ जनाको ज्यान गइसकेको छ ।