काठमाडौं, ३ साउन । स्वास्थ्य तथा जनसंख्या मन्त्रालयले नेपालमा ६६.१२ प्रतिशत कोरोना संक्रमित निको भएको जानकारी दिएको छ ।
शनिबार आयोजित नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले हालसम्म ११ हजार ६३६ जना संक्रमित निको भएको जानकारी दिएका छन् ।
पछिल्लो २४ घण्टामा १०३ कोरोना संक्रमित उपचारपछि निको भएको गौतमले बताएका छन् । मुलुकभरका क्वारेनटाइनमा २३ हजार २७५ र आइसोलेसन ५ हजार ८२५ जना रहेको उनले जानकारी दिए । शनिबारसम्म नेपालमा कोरोना संक्रमितको संख्या १७ हजार ५०२ पुगेको छ ।
