काठमाडौं, १ असार । नेपालमा पनि दिनहुँ कोरोना संक्रमित हुनेको संख्या बढ्न थालेको छ । आज (सोमबार) ४५१ जनामा कोरोना भाइर संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार हालसम्म ६,२११ जनामा कोरोना संक्रमण भएको छ ।
कोरोना संक्रमण निको भएर हालसम्म एक हजार ४१ जना डिस्चार्ज भएका छन् । जसमा ९३७ पुरुष र १०४ जना महिला रहेका छन् । सोमबार पीसीआर विधिबाट एक लाख ३८ हजार ६८३ र आरडीटी विधिबाट २ लाख १९ हजार ३३६ जनाको नमुना परीक्षण गरिएको छ । पछिल्लो २४ घण्टामा पीसीआर विधिबाट ५ हजार ३०६ र आरडीटी विधिबाट ८ हजार ६१५ जनाको नमुना परीक्षण गरिएको छ ।
मन्त्रालयका प्रवक्ता डा. गौतमका अनुसार १ लाख ३३ हजार ८२९ जना क्वारेन्टाइनमा छन् । यस्तै आइसोलेसनमा ५ हजार १५१ जना रहेका छन् । ७३ जिल्लामा कोरोना संक्रमण फैलिसकेको छ । रेडजोनमा रहेका छन् । सोमबार थप ४९९ जना रेडजोनमा परेका छन् ।
यस्तै सोमबार थप ६७ जना डिस्चार्ज भएका छन् । स्वास्थ्य तथा जनसंख्या मन्त्रालयका प्रवक्ता प्रवक्ता डा.जागेश्वर गौतमले गत २४ घन्टामा विभिन्न स्थानका आइसोलेसनबाट ६७ जनाले कोरोना जितेर डिस्चार्ज भएको जानकारी दिए ।
