काठमाडौं, २६ जेठ । नेपालमा पछिल्लो २४ घण्टामा थप ३१४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले आज (सोमबार) नियमित पत्रकार सम्मेलनमार्फत योसहित नेपालमा कोरोना संक्रमितको संख्या तीन हजार ७६२ पुगेको जानकारी दिएको छ ।
मन्त्रालयका प्रवक्ता डा. जागेश्वर गौतमका अनुसार सोमबार संक्रमित भेटिएकामध्ये २९४ जना पुरुष र २० जना महिला छन् । सोमबार थप २१ जना अस्पतालबाट डिस्चार्ज भएका छन् । स्वास्थ्य तथा जनसंख्या मन्त्रालयका प्रवक्ता प्रवक्ता डा।जागेश्वर गौतमले २१ जनाले कोरोना जितेर डिस्चार्ज भएको जानकारी दिएका छन् । योसहित नेपालमा कोरोनालाई जित्नेको संख्या ४८८ पुगेको छ ।
प्रवक्ताका अनुसार निको हुनेमा पुरुष ४१९ र महिला ६९ छन् । सोमबार डिस्चार्ज हुनेमा महिला एक जना र पुरुष २० जना रहेका छन् । बाँकेबाट २० जना र काठमाडौंको बलम्बु अस्पतालबाट एक जना महिलाले कोरोना जितेर घर फर्किएको प्रवक्ता जागेश्वरले जानकारी दिए ।
सोमबार पीसीआर विधिबाट एक लाख ९७१ र आरडीटी विधिबाट एक लाख ५६ हजार ९९१ जनाको नमुना परीक्षण गरिएको छ । पछिल्लो २४ घण्टामा पीसीआर विधिबाट ४ हजार ७६६ र आरडीटी विधिबाट ११ हजार ९४२ जनाको नमुना गरी १६ हजार ७०८ नमूना परीक्षण भएको छ ।
मन्त्रालयका प्रवक्ता डा. जागेश्वरका अनुसार एक लाख ६६ हजार ६६८ जना क्वारेन्टाइनमा छन् । यस्तै आइसोलेसनमा ३ हजार २६० रहेका छन् । ७१ जिल्लामा संक्रमण फैलिएको छ । प्रयोगशालाको संख्या २१ पुगेको छ ।
https://youtu.be/Zgt_JYw5K2c
