काठमाडौँ, २५ जेठ । विश्वभर कोरोना भाइरस कोभिड १९ बाट मृत्यु हुनेको सङ्ख्या ४ लाख नाघेको छ । वाल्र्डओमिटरको तथ्याङ्क अनुसार ४ लाख २ हजार ४७ जनाको मृत्यु भएको छ ।
६९ लाख ७३ हजार २४३ जना संक्रमित भएका छन् भने ३४ लाख ११ हजार ९८ जना निको भएका छन् । दैनिक कोरोना संक्रमित र मृत्यु हुनेको सङ्ख्या बढीनै रहेको छ ।
अमेरिकामा संक्रमित सङ्ख्या १९ लाख ८८ हजार ५४४ पुगेको छ भने १ लाख १२ हजार ९६ जनाको कोरोनाले ज्यान लिइसकेको छ । ७ लाख ५१ हजार ८९४ जना निको भएका छन् ।
अमेरिका पछि ब्राजिल र युके कोरोनाबाट बढी प्रभावित हुने देश हुन । ब्राजिलमा ६ लाख ७५ हजार ८३० जना कोरोना संक्रमित भइसकेको छन् भने ३६ हजार ३६ जनाको ज्यान गएको छ । युकेमा कोरोनाबाट ४० हजार ४६५ को मृत्यु भइसकेको छ भने २ लाख ८४ हजार ८६८ जना संक्रमित सङ्ख्या पुगेको छ ।
