काठमाडौं, २३ जेठ । थप २७८ जनामा कोरोना संक्रमणको पुष्टि भएको छ । योसँगै नेपालमा कोरोना संक्रमितको संख्या २ हजार ९१२ पुगेको छ ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. विकास देवकोटाले पछिल्लो २४ घण्टामा देशभरबाट थप २७८ जनाको रिपोर्ट पोजिटिभ आएको जानकारी दिए ।
संक्रमितमध्ये २ हजार ७१७ जना पुरुष र १९५ जना महिला रहेको प्रवक्ता देवकोटाले जानकारी दिएका छन् । त्यस्तै आज मात्रै देशभरका विभिन्न अस्पतालबाट ४३ जना कोरोना संक्रमित उपचारपछि निको भएर घर फर्केका छन् ।
