थप ३ जनामा कोरोना संक्रमणको पुष्टि : नेपालमा संक्रमित संख्या ४५८ पुग्यो

काठमाडौँ, ८ जेठ । थप  ३ जनामा कोरोना संक्रमणको पुष्टि भएको छ । योसँगै नेपालमा संक्रमित संख्या ४५८ पुगेको छ ।

स्वास्थ्य तथा जनसंख्या मन्त्रालयका अनुसार बाँके २ जना र कपिलवस्तु १ जनामा कोरोना संक्रमण पुष्टि भएको हो ।

बाँकेका नरैनापुर ३ निवासी ३२ वर्षीय पुरुष, खजुरा ३ का ४२ वर्षीय महिला र कपिलवस्तु सुद्दोधन गाउँपालिकाका १९ वर्षीय पुरुषमा संक्रमित भएको मन्त्रलायले जनाएको छ ।