काठमाडौं, ३१ बैशाख । थप नयाँ २४ जनामा कोरोना संक्रमण पुष्टि भएको छ । योसँगै नेपालमा संक्रमित सङ्ख्या २४३ पुगेको छ ।
राष्ट्रिय जनस्वास्थ्य प्रयोगशाला काठमाडौँको प्रयोगशाला र प्रादेशिक जनस्वास्थ्य प्रयोगशाला, रुपन्देहीमा गरिएको परीक्षण अनुसार नयाँ २४ जनामा संक्रमण पुष्टि भएको हो ।
रुपन्देहीका २२, २२, २५, २८, ३२, ३३, ४१ वर्षीय पुरुष, ४, १० र २८ वर्षीय महिला, कपिलवस्तुका २२, २९, ३२, ४०, ४०, ४२, ४२ वर्षका पुरुष, पर्साका ३६, ७४ वर्षका पुरुष र ३६ वर्षीय महिला, र नवलपरासीका २६ वर्षीय पुरुष कोरोना संक्रमित भएका छन् ।
