काठमाडौँ, २९ वैशाख । थप १३ जनामा कोरोना संक्रमण देखिएको छ । यीसँगै आज (सोमबार) एकै दिन कोरोना संक्रमित भेटिएको सङ्ख्या २४ पुगेको छ ।
आज (सोमबार) कपिलवस्तु, रुपन्देही र बर्दियामा कोरोना संक्रमित भेटिएको हो । कपिलवस्तुका ६, रुपन्देहीका ६ जना र बर्दियाका एक जना गरी थप १३ जनामा कोरोना पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयका अनुसार यी सबैको राष्ट्रिय जनस्वास्थ्य प्रयोगशाला काठमाडौँमा परीक्षण गरिएको हो । योसँगै नेपालमा कोरोना संक्रमितको सङ्ख्या १३४ पुगेको छ ।
