हेरात, ६ फागुन । अफगानिस्तानको पश्चिमी हेरात प्रान्तमा तालिवानी लडाकू समूहले एक जना जिल्ला न्यायाधीशकोे हत्या गरेको छ ।
हेरातको इन्जिल जिल्लाका न्यायाधीश रहिम अजिमीलाई तालिबान लडाकुको एक समूहले सोमबार राति गोली हानी हत्या गरेको स्थानीय अधिकारीहरूले बताएका छन् ।
प्रान्तीय सरकारका प्रवक्ता जैलानी फरहादले तालिबानी लडाकु समूहले हिंसात्मक कारबाही स्थगित गर्ने घोषणा गरे पनि व्यक्ति हत्याको ज्यादती नरोकिएकामा चिन्ता व्यक्त गरे । अफगानी स्वतन्त्र मानव अधिकार आयोगका अनुसार गत वर्ष सन् २०१९ मा मात्र दुई हजार ८०० भन्दा बढी सर्वसाधारणको हत्या हुनुका साथै ७ हजार ९५० जनाभन्दा बढी घाइते भएको जनाएका छन् ।
