सुनसरी, ६ पुस । प्रहरीले सुनसरीको बराहक्षेत्र नगरपालिका –५ स्थित एकता टोलमाबाट ठुलो परिमाणको गोलीसहित अत्याधुनिक हतियार एसएलआर बरामद गरेको छ ।
भरौलमा स्थानीयको कुखुराको खोरमा जमिन मुनि गाडेर राखेको अवस्थामा अत्याधुनिक हतियार एसएलआरसहित ९ हजार बढी गोली सुनसरी जिल्ला प्रहरीले बरामद गरेको छ ।
गोली र हतियार जमिनमुनि गाडेर राखिएको गोप्य सूचनाका आधारमा प्रहरीले खानतलासी गर्दा उक्त हतियार र गोली बरामद गरिएको र घटनास्थलमा बरामद गरिएको हतियारको मुचुल्का तयार गरिरहेको सुनसरीका प्रहरी प्रमुख यज्ञविनोद पोखरेलले बताएका छन् ।
बरामद गरिएको हतियार माओवादीले सेना समायोजनका बेला लुकाएर राखिएको अनुमान गरिएको छ । ठुलो परिणाममा गोली र अत्याधुनिक हतियार बरामद गरेपछि भरौलमा नेपाली सेना, सशस्त्र प्रहरी र नेपाल प्रहरी परिचालन गरिएको छ ।
