काठमाडौँ, ३ भदौ । नेपालमा पछिल्लो २४ घण्टामा ६८१ जना कोरोना संक्रमित थपिएको छ । स्वास्थ्य तथा जनसंख्या मन्त्रालयले नियमित प्रेस ब्रिफिङमा थप ६८१ जनामा संक्रमण पुष्टि भएको जनाएको हो ।
योसँगै नेपालमा कुल संक्रमित संख्या २८,९३८ पुगेको छ । पछिल्लो २४ घण्टामा ११,५२२ जनाको पीसीआर परीक्षण गरिएको छ । त्यस मध्य काठमाडौँ उपत्यकाका १५९ जना संक्रमण पुष्टि भएको छ ।
आज १२० जना डिस्चार्ज भएका छन् । आजको १२० जना सहित नेपालमा निको हुनेको कुल संख्या १७,७०० पुगेको छ ।
