तिला लेकाली –
कोदो मकै फले पनि आफ्नै देशको माटो राम्रो
सगरमाथा पुर्याउने नागबेली बाटो राम्रो
छिमेकीको बारीभरि सुनै सुन फले पनि
पसिनाले भिजाएको मेरै खेतको पाटो राम्रो
स्वाभिमान गुमाएर परातन्त्र बाँच्नु भन्दा
पेट्रोल ज्ञाँस नपाएर चुलिएको घाटाे राम्रो
दार्जिलिङ नैनिताल नालापानी हाम्रै थिए
मोदी काका कोट्याउँदै छन् नबसेको खाटो राम्रो
रास्ट्रसंघमा उल्लेख छ छिमेकमा अहस्तक्षेप
जानीजानी किन पार्छौ एकअर्कामा फाटो राम्रो ??
