काभ्रेपलान्चोक, २१ फागुन । काभ्रेपलान्चोकको पारिस्थितिक चौंरीदेउराली गाउँपालिका–५ ढाँटखर्कमा आज बिहान यात्रुवाहक बा ४ख ७१०२ नम्बरका बस दुर्घटना हुँदा ४४ जना घाइते भएका छन् ।
रामेछाप जिल्लाको गुराँसेबाट काठमाडौंतर्फ आउँदै गरेको बस पछाडि सार्ने क्रममा सडकबाट ५० मिटर तल खसेर दुर्घटना भएको इलाका प्रहरी कार्यालय कात्तिकेदेउरालीका प्रहरी निरीक्षक पवनकुमार झाले बताए ।
घाइतेमध्ये छ जनाको अवस्था गम्भीर रहेको जनाएको छ । घाइतेहरु सबैको उपचारका लागि धुलिखेल अस्पताल पठाइसकेको प्रहरीले जनाएको छ । ‘घाइतेहरूको नाम र ठेगाना नखुलेको प्रहरी निरीक्षक झाले बताएका छन् । गाडीको चालक भने फरार रहेकाले खोजी भइरहेको प्रहरीले जनाएको छ ।
