काठमाडौँ,९ फागुन । कोरोना सङ्क्रमित चीनको लहानबाट उद्धार गरी ल्याइएका ४५ युक्रेनी र २७ देशका अन्य नागरिक चढेको बसमाथि युक्रेनमा आक्रमण भएको छ ।
बिबिसीका अनुसार, उद्धार गरिएकालाई नोभी सन्जारी हस्पिटलको क्वारेन्टाइनमा राख्न ६ वटा बसमा लगिँदै गर्दा सडकमा निस्किएका प्रदर्शनकारीहरूले ढुङ्गा र आगोको लप्काले आक्रमण गरेका हुन् ।
उद्धार गरिएका कसैलाई पनि कोरोना सङ्क्रमण नरहेको युक्रेनका स्वास्थ्यमन्त्रीले जनाएका छन् । यद्यपि, सहरका बासिन्दाहरू भाइरस फैलने भन्दै प्रदर्शनमा उत्रिएका छन् ।
युक्रेनका राष्ट्रपति भोलोदिमिर जेलेन्स्कीले जनताहरूलाई एकताबद्ध हुन अपिल गरेका छन् । साथै उनले हामी सबै मानव हौँ भन्ने स्मरण गर्न पनि आग्रह गरेका छन् ।
