बेलबारी, २४ माघ / बेलबारीमा शुक्रवार सम्पन्न मा.वि स्तरीय महिला भलिबल प्रतियोगिताको विजेता भगवती मा.वि भएको छ ।
अखिल नेपाल राष्ट्रिय स्वतन्त्र विद्यार्थी युनियन बेलबारी बहूमुखी क्याम्पसको आयोजनामा भगवती मा.विको खेल मैदानमा नै महिला भलिबल प्रतियोगिता कार्यक्रम सम्पन्न भएको हो । लक्ष्मी मा.वि उपविजेता भएको छ ।
प्रतियोगितामा बेलबारी नगरभित्रका विद्यालय धनपाल मा.वि, भगवती मा.वि, कसेनी मा.वि, शिक्षा सन्देश बोर्डिङ स्कुल र लक्ष्मी मा.वि गरेर ५ विद्यालयहरूको सहभागिता रहेको थियो ।
कार्यक्रमका प्रमुख अतिथि तथा नेकपा केन्द्रिय कमिटी सदस्य महेश रेग्मीले प्रतियोगिताको शुभकामना प्रदान गर्दै उत्साह र सोचका साथ राष्ट्र निर्माण र भविष्य उज्यालो बनाउने क्रममा समाजको परिवर्तन गर्न विद्यार्थीहरू अगाडि बढ्न आग्रह गरेका छन् ।
कार्यक्रममा बेलबारी नपरपालिका प्रवक्ता तथा वडा नं. ३ का अध्यक्ष योगेन्द्र सुवेदी, नेकपा पार्टी अध्यक्ष पर्शुराम सुवेदी, पूर्वाञ्चल क्षेत्रीय खेलकुद विकास समिति सदस्य राजन प्रसाईँ, बेलबारी बहूमुखी क्याम्पस प्रमुख खगेन्द्र प्रसाद लुइँटेल लगायतको उपस्थिति रहेको थियो ।
मा.वि स्तरीय महिला भलिबल प्रतियोगिता अनेरास्ववियु बेलबारी बहूमुखी क्याम्पसका अध्यक्ष रविन चालिसेको सभापतित्वमा सम्पन्न भएको हो ।
https://youtu.be/MLcaXghmXsI
