काठमाडौँ ,१ पुस । उपसभामुख डा. शिवमाया तुम्बाहाम्फेले कास्की २ बाट निर्वाचित प्रतिनिधिसभा सदस्य विद्या भट्टराईलाई पद तथा गोपनीयताको शपथ ग्रहण गराएकी छन् ।
संसद् सचिवालयमा आयोजित एक समारोहमा भट्टराईलाई पद तथा गोपनीयताको शपथ गराएकी हुन् । शपथग्रहण समारोहमा नेकपाका प्रमुख सचेतक देव गुरुङ लगायतको उपस्थिति रहेको छ ।
मङ्सिर १४ गते भएको उपनिर्वाचनमा नेकपाको तर्फबाट प्रतिनिधिसभा सदस्य निर्वाचित भएकी हुन् । पति स्वर्गीय रविन्द्र अधिकारीको स्थानमा उम्मेदवार उठेकी भट्टराई तत्कालीन नेकपा एमालेको विद्यार्थी सङ्गठन अनेरास्ववियुको केन्द्रीय सचिवसम्म पुगेपछि प्राध्यापन पेसामा थिइन् ।
