काठमाडौँ, २९कात्तिक । भारतीय चर्चित क्रिकेटर सचिन तेन्दुलकर आज नेपाल आउने भएका छन् । बालबालिका सम्बन्धी महासन्धी पारित भएको ३० औँ वर्षगाँठको अवसरमा नेपालमा हुन लागेको मैत्रीपूर्ण खेलका लागि सचिन नेपाल आउन भएका हुन ।
युनिसेफको आयोजनामा बालअधिकारका लागि आयोजना गरिएको मैत्रीपूर्ण खेलमा सचिनको टिमसँग नेपाली क्रिकेट टिमाका पूर्व कप्तान विनोद दासको टिम पनि खेल्नेछ ।
उक्त खेल शनिवार बिहान ९ बजे टियूस्थित क्रिकेट मैदानमा सुरु हुने युनिसेफ नेपालले जानकारी दिएको छ । उक्त कार्यक्रमको लागि सचिन बेलुकी नै काठमाडौँ आइपुग्ने छन् ।
