मोरङ । कोशी प्रदेशको मुख्यमन्त्रीमा नेपाली काँग्रेसका उद्धव थापा नियुक्त भएका छन् । प्रदेश प्रमुख पर्शुराम खापुङले संविधानको धारा १६८ (२) अनुसार नियुक्त गरेका हुन् । मुख्यमन्त्रीमा नियुक्त थापाको पद तथा गोपनीयताको शपथ भोलि (बुधवार) बिहान १०ः३० बजे हुने बताइएको छ ।
नेपाली काँग्रेसका २९, नेकपा (माओवादी केन्द्र) का १३, नेकपा (एकीकृत समाजवादी) का चार र जसपाका एक सांसदको समर्थनमा थापा मुख्यमन्त्रीमा नियुक्त भएका हुन् । आजै सभामुख बाबुराम गौतमले बहुमत संख्या पुर्याउन पदबाट राजीनामा दिएका थिए ।
