सुन्दरहरैंचा, १६ बैसाख । मोरङको सुन्दरहरैंचामा सात दिवसीय नेतृत्व विकास तालिम सम्पन्न भएको छ ।
वातावरण संरक्षण तथा सामाजिक रुपान्तरण समाजका आयोजनामा कार्यक्रम भएको थियो । नेतृत्व विकास तालिमलाई सुन्दरहरैंचा नगरपालिका वडा न । ८ ले सहयोग गरेको थियो । करिव २५ जाना महिला दिदीबहिनी हरुको तालिममा सहभागिता रहेको थियो ।
तालिमका प्रशिक्षण सञ्चारकर्मी शेखर ढकालले गरेका थिए । महिला दिदिबहिनीहरुको क्षमता विकास गरि समाजमा उनिहरु लाई नेतृत्व लिन सक्ने बनाउने लगायतका उदेश्यले तालिम सञ्चालन गरिएको आयोजक समाजका अध्यक्ष होेमनाथ पाखरेलले बताए । तालिमका समापन समारोहमा प्रशिक्षार्थीहरु लाई वडाध्यक्ष खेमप्रसाद न्यौपाने , वडा सदस्य उर्मिला रिजाल लगायतले प्रमाणपत्र वितरण गरेका थिए ।
