बेलबारी, २८, साउन । बेलबारीमा हात्तीले २ वटा घर भत्काएको छ । वाड नं. ३ स्थित किरात राई ययोक्खा बेलबारीको धार्मिक बन भित्र मंगलबार बिहान ४ बजे प्रवेश गरेको हात्तीले २ घर सहित अन्य भौतिक क्षति गरेको हो ।
किरात राई ययोक्खा बेलबारीका अध्यक्ष जितुमान राईका अनुसार करिब १ लाख ५० हजार बराबरको भौतिक क्षति भएको छ । मानवीय क्षति भने नभएको उनले बताएका छन् । २ वटा हात्ती भन्दा बढी संख्यामा प्रवेश गरेको हुन सक्ने अध्यक्ष र।ईको अनुमान रहेको छ । वन भित्रको २ वटा संरचनासहित रोपेको अन्य बोटबिरुवामा पनि क्षति पुराएको अध्यक्ष राईले जनाएका छन् ।
उक्त धार्मिक बनका सुरक्षागार्ड डम्बरसिंह राई सुत्ने घर हात्तीले भत्काएको हो । उनी सुतिरहेको अवस्थामा हात्तीले घर भत्काउन थाले पछि भागेर बचेको डम्बरसिंहले बताएका छन् ।
