बेलबारी, २७ साउन । इलाका प्रहरी कार्यालय बेलबारीका प्रहरीमा पहिलो पटक एक जनामा संक्रमण पुष्टि भएको छ ।
बेलबारी स्वास्थ्य शाखाका अनुसार धरान स्थित वि.पि स्वास्थ्य प्रतिष्ठानको प्रयोगशालामा ६ जना प्रहरी, २ जना ट्राफिक प्रहरी सहित २२ जनाको स्वाब संकलन गरी पीसीआर परीक्षणको लागि पठाइएकोमा वर्ष ३१ का एक प्रहरीको रिर्पाेट पोजेटिभ आएको हो ।
योसँगै बेलबारीमा कोरोना संक्रमितको संख्या ७ पुगेको छ । ४ जना भने निको भएर घर फर्किसकेका छन् । अहिले बेलबारी क्वारेनटाइनमा ५८ पुरुष र ९ महिला गरी ६७ जना रहेको बेलबारी स्वास्थ्य शाखाका स्वास्थ्यकर्मी सन्तोष वि.कले जनाएका छन् ।
आइतबार र सोमबार थप १२ जना पत्रकारसहित २७ जनाको स्वाब संकलन गरी परीक्षणको लागि धरान पठाइएको सन्तोषले जानकारी दिएका छन् । परीक्षण रिपोट भने आउन बाकी रहेको उनले बताए ।
