काठमाडौं, १५ साउन । नेपालमा पछिल्लो २४ घण्टामा थप नयाँ २७४ जनामा कोरोना भाइरस संक्रमित थपिएको छ । आज बिहीबार स्वास्थ्य तथा जनसंख्या मन्त्रालय थप २७४ जना संक्रमण पुष्टिबारे जनाएको छ ।
प्रवक्ता डा. जागेश्वर गौतमका अनुसार देशका विभिन्न प्रयोगशालामा ६ हजार ३०४ जनाको परीक्षण गरिएको थियो । आज २२७ जना कोरोना संक्रमित उपचारपछि निको भएर घर फर्केका छन् ।
थप नयाँ २७४ जना संक्रमण पुष्टिसहित नेपालमा कुल संक्रमितको संख्या १९ हजार ५४७ जना पुगेको छ । योसँगै नेपालमा कोरोनामुक्त हुनेको संख्या १४ हजार २४८ पुगेको छ ।
