काठमाडौं, ७ साउन । नेपालमा आज थप १०० जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा थप १०० जनामा कोरोना भाइरस संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् ।
योसँगै नेपालमा संक्रमितको संख्या १८ हजार ९४ जना पुगेको छ । आज थप २०४ जना कोरोना संक्रमणमुक्त भएका छन् ।
नेपालमा हालसम्म १२ हजार ६८४ जना उपचारपछि निको भएका छन् । पछिल्लो २४ घण्टामा ३ हजार ७८४ पिसिआर परीक्षण गरिएको स्वास्थ्य मन्त्रालयले जानकारी दिएको छ ।
