बेलबारी, ३१ असार । इलाका प्रहरी कार्यालय बेलबारीले हराएको बाइक खोजी गरी सम्बन्धित व्यक्तिलाई हस्तान्तरण गरेको छ । स्थानीय पत्रकार अम्बिका भण्डारीको हराएको बाइक खोजी गरी बुधवार प्रहरीले हस्तान्तरण गरेको हो ।
भण्डारीका अनुसार असार २९ गते सोमबार काममा व्यस्त भएको बेला राखेको ठाउँबाटै बेलबारी वाड नं. १ स्थित फिल्म हल लाईन एरियाबाट मे ६ प १७२२ नं.को डिस्कभर बाइक हराएको थियो ।
प्रहरीले राती गस्ती गर्ने क्रममा बेलबारी वाड न. ७ स्थित हनुमान मन्दिर नजिक बेवारिसे अवस्थामा फेला परेको इलाका प्रहरी कार्यालयका प्रमुख ऋषिराज ढकालले बताएका छन् ।
सुन्दरहरैचा स्थित बिराटचौक एरियामा को ९ प ४६९३ को होन्डासाइन निलो बाइक पनि बेवारिसे अवस्थामा फेला परेको उनले जनाएका छन् । ढकालका अनुसार उक्त बाइक पनि गस्तीको क्रममानै फेला हो । तर उक्त बाइक धन भने अहिले सम्म पत्ता नलागेको ढकालले बताए ।
समाचारको माध्यमबाट कसैले बाइक धनीबारे थाहा पाए सूचना गर्दिन हुन र सम्बन्धित व्यक्ति इलाका प्रहरी कार्यालय बेलबारीमा सम्पर्क गर्न समेत ढकालले अनुरोध गरेका छन् । भण्डारीले बाइक भेटिएकोमा खुसी हुँदै इलाका प्रहरी कार्यलाल बेलबारीलाई धन्यवाद व्यक्त गरेका छन् ।
