श्री कृष्ण प्रणामी मन्दिरको परिचय

सुन्दरहरैचा / साबिकको इन्द्रपुर गाउँ विकास समिति वार्ड नं ५ मा र हालको सुन्दरहरैचा नगरपालिका नगरपालिका वार्ड नं ९ विराटचोकमा रहेको श्री कृष्ण प्रणामी मन्दिर तमाम नगरवासीको आस्थाको केन्द्रबिन्दु बन्न सफल भएको छ ।

श्री कृष्ण प्रणामी मन्दिरले स्थापना कालदेखि नै रथ यात्रा निकाल्दै आएको छ । ठेलागाडिबाट सुरु गरिएको रथ यात्रा रिक्सा र साधारण गाडी हुँदै यसपालि भने काठको भव्य रथको निर्माण गरिएको थियो । यो रथ चैत्र महिनादेखि दैनिक रूपमा ७ जना मिस्त्रीहरूले नियमित रूपमा काम गरेर करिब १५ लाख जतिको लगानीमा निर्माण भएको थियो । जस्का लागि नगरपालिकाको रु १० लाख र बाँकी मन्दिर समितिले लगाएको थियो ।

अपरान्ह १ः३० बजे श्री कृष्ण प्रणामी मन्दिरबाट निकालिएको पुष्प सज्जित रथलाई मन्दिर परिसरबाट बाहिर निकालिएको थियो ।

कृष्णप्रणामी मन्दिरबाट निकालिएको रथलाई हजारौँका सङ्ख्यामा उपस्थित भएका भक्तजनको सहभागिता रहेको थियो । पुष्प सज्जित रथयात्रामा राजनीतिकर्मी, उद्योगपति, व्यापारी, शिक्षक कर्मचारी, प्रहरी, तथा सर्वसाधारण महानुभावहरूले सहभागिता जनाएका थिए । कृष्णप्रणामीका सुन्दर साथहरूका अतिरिक्त विभिन्न अन्य सम्प्रदायका र सङ्घसंस्थाका प्रतिनिधिहरू तथा सर्वसाधारणहरू स्वतःस्फूर्त रूपमा रथयात्रामा भाग लिएका थिए ।

यात्रुलाई आवतजातमा अवरोध नहोस् भनेर पूर्व पश्चिम लोकमार्गको विराटचोकदेखि गोठ गाउँ सम्मको ट्राफिक व्यवस्थापनमा विशेष ध्यान दिइएको थियो । साथै पैदल यात्रुहरूको र रथको सुरक्षा व्यवस्था पनि मजबुत पारिएको थियो। रथको वरिपरि र सडकमा पनि उल्लेख्य सङ्ख्यामा स्वयम् सेवकहरू र सुरक्षाकर्मी परिचालन गरिएका थिए । गोठगाउँबाट फर्काइएको रथलाई सलकपुर हुँदै साँझ ६ः३० पुनः मन्दिरमा ल्याइएको थियो र विधिविधान अनुसार रथघरमा राखिएको थियो ।

रथ यात्रा समारोहको समापन कार्यक्रमलाई सम्बोधन गर्दै रथ यात्रा आयोजक समितिका अध्यक्ष रामप्रसाद गजुरेल र श्रीकृष्ण प्रणाामी सेवा समितिका अध्यक्ष कृष्णप्रसाद शर्मा बास्तोलाले सहभागी भएर रथयात्रालाई सफल पार्नु सहयोग पुर्यनउने सबैलाई धन्यवाद दिनु भएको थियो ।