सुन्दरहरैचा, १ असार – विराटचोक मोरङको सुन्दरहरैंचामा पोखरीमा डुबेर एक युवक बेपत्ता भएका छन् । वडा नम्बर १० मा रहेको बाघझोडा पोखरीमा पौडी खेल्ने क्रममा डुबेर उक्त युवा बेपत्ता भएका हुन ।
इलाका प्रहरी कार्यालय बेलबारीका अनुसार वाड नं. १० का स्थानीय २३ वर्षीय आकाश राई पौडी खेल्ने क्रममा डुबेर बेपत्ता भएको हो । आइतबार साँझ ७ बजेको समयमा पोखरीमा पौडी खेल्ने क्रममा राई बेपत्ता भएको प्रहरीले जनाएको छ ।
आइतबार रातीदेखि खोजी कार्य भइरहेता पनि अहिले सम्म भेट्न सकेको छैन । इलाका प्रहरी कार्यालय बेलबारी, सशस्त्र प्रहरी बल नेपाल हाइवे सुरक्षा पोस्ट सलकपुर र १ नम्बर प्रदेश प्रहरी कार्यालय बिपद व्यवस्थापन कार्यदल चन्द्रगढी झापाको टोलीले बेपत्ता राईको खोजी गरिरहेका छन् ।
