बेलबारी, ३२ जेठ / मोरङको बेलबारी नगरपालिकाले कृषकहरूलाई केराको बिरुवा वितरण गरेको छ । आज कृषकहरूलाई उपमेयर ढाका कुमारी पराजुलीद्वारा केराको बिरुवा वितरण गरिएको हो ।
टिस्यु कल्चर प्रविधिबाट उत्पादन गरिएका ७ हजार बिरुवा वितरण गरिएको नगरपालिकाका कृषि शाखाका प्रमुख विनोद दाहालले बताए । यसअघि नगरपालिकाले मेवा तथा कागतीको बिरुवा वितरण गरेको थियो । एक वडा एक उत्पादनको नीति लिएर विभिन्न प्रजातिका तरकारी तथा फलफूलका बिरुवाहरू नगरपालिकाले वितरण गरिरहेको बेलबारी नगरपालिकाका नगर प्रमुख ज्ञानेन्द्र सुवेदीले बताए ।
