रौतहट, १३ जेठ । रौतहटमा तीन बालबालिकासहित थप २२ जनामा कोरोना सक्रमण पुष्टि भएको छ ।
मंगलबार मध्यान्न जिल्ला प्रशासन कार्यालयले दिएको जानकारी अनुसार गौर नपाका सात जना, राजदेवीका एक जना, देवाहिगोनाहीका तीन र अरु ११ जनामा कोरोना पुष्टि भएको छ ।
संकेमितमा तीनजना बालबालिकासमेत रहेका रौतहटका सिडिओ बासुदेव घिमिरेले जानकारी दिएका छन् । रौतहटमा यसअघि ४८ जनामा संक्रमण देखिएको थियो ।
उनीहरुमध्ये तीन जना निको भएर घर फर्किएका छन् । भारतबाट आएका उनीहरु सबैलाई सीधै क्वारेन्टाइनमा लिएर राखिएको थियो । योसँगै रौतहटमा संक्रमित हुनेको संख्या ६९ पुगेको छ ।
