काठमाडौँ, १६ चैत । कोरोना भाइरस (कोभिड-१९) को सङ्क्रमणबाट स्पेनकी राजकुमारी मारिया टेरेसाको मृत्यु भएको छ । कोरोनाको सङ्क्रमणबाट ८६ वर्षीय टेरेसाको शनिवार निधन भएको हो ।
स्पेनिस सञ्चारमाध्यमहरूका अनुसार पूर्व उपप्रधानमन्त्रीसमेत रहेकी टेरेसाको निधन भएको । उनको निधनको पुष्टि भाइ हेनरीले गरेका छन् । कोरोना भाइरसबाट स्पेनमा राजपरिवारमा पहिलो सदस्यको मृत्यु भएको डेलीमेलले जनाएको छ ।
स्पेनमा कारोना भाइरस सङ्क्रमणबाट मृत्यु हुनेको सङ्ख्या ५ हजार ८ सय १२ पुगेको छ भने सङ्क्रमितको सङ्ख्या ७२ हजार नाघेको छ । सङ्क्रमितहरुमध्ये १२ हजारजना उपचारपछि घर फर्किसकेका छन् ।
