काठमाडौँ, ४ चैत । विश्वका विभिन्न मुलुक पुगेका ११ नेपालीमा कोरोनाभाइरस (कोभिड १९) सङ्क्रमण भएको छ ।
योसँगै कोरोना सङ्क्रमित नेपालीको सङ्ख्या १२ पुगेको छ। कोरोना सङ्क्रमित हुनेमा रोजगारीको सिलसिलामा पोर्चुगल पुगेका ६ जना, कतारमा २ जना, युएईमा २ जना, अध्ययनको सिलसिलामा अस्ट्रेलिया पुगेका १ जना र चीनको वुहानबाट नेपाल फर्किएका १ जना गरी १२ जना छन्। उनीहरू सबैको परिचय गोप्य राखिएको छ।
चीनबाट सुरु भएको कोरोनाभाइरस (कोभिड१९ ) हाल १ सय ६२ देशमा फैलिसकेको छ ।विश्वमा हालसम्म १ लाख ८३ हजार ६ सय ५७ जनामा कोरोना सङ्क्रमण पुष्टि भएको छ । भने ७ हजार १ सय १७ जनाको मृत्यु भइसकेको छ ।
चीनमा ८० हजार ८ सय ८१ जनामा कोरोनाभाइरस पुष्टि भएको छ । भने ३ हजार २ सय २६ जनाको मृत्यु भइसकेको छ । चीनपछि बढी प्रभावित मुलुक इटलीमा २७ हजार ९ सय ८० जनामा पुष्टि भइसकेको छ । भने २ हजार १ सय ५८ जनाको मृत्यु भइसकेको छ ।
त्यसै गरी इरानमा १४ हजार ९ सय ९१ जनामा पुष्टि भएको छ । भने ८ सय ५३ जनाको मृत्यु भइसकेको छ । कोरोनाभाइरस सङ्क्रमण नियन्त्रणका लागी सबै देशले विभिन्न उपाय अपनाए पनि मृत्यु हुनेको सङ्ख्या बढ्दो छ ।
लक्षणहरू
१००.४ फरेनाइट भन्दा माथि ज्वरो आउनु,
ज्वरो आउने
श्वासप्रश्वासमा समस्या देखिने
रुघाखोकी लाग्ने
घाँटी टाउको दुख्ने
कसरी जोगिने ?
रुघाखोकी लागेको तथा श्वासप्रश्वासका बिरामीको नजिक नजाने तथा हातको सरसफाइ नियमित गरेमा सङ्क्रमणको सम्भावना कम रहन्छ ।
नियमित रूपमा साबुन पानीले हात धुने
खोक्दा, हाच्छ्युँ गर्दा नाक मुख छोप्ने
सङ्क्रमित व्यक्तिबाट टाढा बस्ने
मास्क लगाएर हिँडडुल गर्ने
पशुजन्य मासु तथा अन्डा राम्रोसँग पकाएर खाने
जंगली र घरपालुवा पशुपन्छीको असुरक्षित सम्पर्कबाट टाढा राख्ने
worldometers को तथ्याङ्कमा आधारित
कोरोना रोकथामको उपचारमा संलग्न डाक्टर र नर्सलाई ७५ प्रतिशत भत्ता दिने निर्णय
