काठमाडौँ, ११ फागुन । भारतको क्याबिनेट सचिव स्तरीय बैठकले नेपाली हवाई यात्रुलाई भारतमा कोरोना भाइरसको सङ्क्रमण भए – नभएर्कोे जाँच गर्ने निर्णय गरेको छ ।
नेपालसँगै इन्डोनेसिया, भियतनाम र मलेसियाबाट भारत पुगेका यात्रुको पनि विमानस्थलमा स्क्रिनिङ गर्ने भारतको स्वास्थ्य मन्त्रालयले जनाएको छ । भारतमा अहिलेसम्म २१ हजार आठ सय पाँच जनालाई सामुदायिक निगरानीमा राखिएको छ । तीन लाख ९७ हजार १५२ जना विमान यात्रु र नौ हजार ६९५ समुन्द्री बन्दरगाहमा स्क्रिन जाँच गरिसकेको छ ।
यसैबिच दक्षिण कोरियामा कोरोना भाइरसको सङ्क्रमण दोब्बरले बढेपछि रोजगारीमा रहेका नेपाली समुदाय चिन्तित भएका छन् ।
कोरोनाको सङ्क्रमण दोब्बर बढ्न थालेपछि रोजगारका लागि गएका करिब ४० हजार नेपाली जोखिम रहेको जनाइएको छ । हाल दक्षिण कोरियामा ३५ देखि ४० हजार नेपाली कार्यरत रहेको दक्षिण कोरियास्थित नेपालको राजदूतावासले जनाएको छ ।
