बेइजिङ, ४ फागुन । कोरोना भाइरसबाट ज्यान गुमाउनेको सङ्ख्या एक हजार ६६९ पुग्नुको साथै ६९ हजार सङ्क्रमित हुनेको पुगेको छ ।
हालसम्म चीनमा एक हजार ६६५ जनाको ज्यान गएको छ भने चीन बाहिर फिलिपिन्स, हङकङ, जापान र फ्रान्समा एक–एक जनाको ज्यान गएको छ । नौ हजारभन्दा बढी उपचारपछि अस्पतालबाट डिस्चार्ज भएको चिनियाँ अधिकारीहरूले जनाएका छन् । शनिवार एकै दिन दुई हजार ६४१ जनामा कोरोनाको सङ्क्रमण देखिएको थियो भने १४२ जनाको ज्यान गएको थियो ।
भाइरसको केन्द्रबिन्दु हुबेई प्रान्तको वुहान सहरमा सबैभन्दा धेरै एक हजार १२३ जनाले ज्यान गुमाइसकेका छन् । हुबेईमा मात्र ५४ हजारभन्दा धेरै मानिसमा कोरोनाको सङ्क्रमण पाइएको छ ।
विश्व स्वास्थ्य सङ्गठन (डब्लूएचओ) ले कोरोनाको महामारी नियन्त्रणमा लागि सबै देश एकजुट हुनुपर्नेमा जोड दिएको छ ।
