बेइजिङ, १ फागुन । प्राणघातक कोरोना भाइरसको सङ्क्रमणबाट ज्यान गुमाउनेको सङ्ख्या एक हजार ३५० पुगेको साथै ६० हजार बढी सङ्क्रमित भइसकेको जनाइएको छ । कोरोना भाइरस फैलन सुरु भएपछि चीनको हुबेई प्रान्तमा बुधवार एकै दिन २४२ जनाको ज्यान गएको यो पहिलो घटना हो ।
बुधवार मात्र १४ हजार ८४० जनामा यसको सङ्क्रमण भेटिएको अधिकारीहरूले बताएका छन् । सङ्क्रमित हुनेको सङ्ख्या घटे पनि कोरोना भाइरसको महामारी तत्काल अन्त्य हुने घोषणा गर्न अहिले धेरै चाँडो हुने विश्व स्वास्थ्य सङ्गठन (डब्ल्यूएचओ) ले जनाएको छ ।
कोरोनाविरुद्ध लड्न चार वटा खोप बनाउने योजनामा रहेको पनि विश्व स्वास्थ्य सङ्गठनले जनाएको छ । सङ्गठनकी प्रमुख वैज्ञानिक सौम्य स्वामिनाथनले खोप बनाउने तयारी भए पनि केही समय लाग्ने जानकारी दिएकी हुन् । भनिन्, ‘मलाई लाग्छ हामी भ्याक्सिन बनाउन सक्छौँ तर, केही समय लाग्न सक्ने बताएका छन् ।
