विराटनगर, २२ माघ । नोबेल मेडिकल कलेज र विद्यार्थीका अभिभावकबिच शिक्षण शुल्कको विषयमा सहमति जुटेको छ ।
नयाँ शैक्षिक सत्रमा एमबिबिएस र वीडीएसमा भर्ना हुन आएका विद्यार्थीका अभिभावक र कलेज प्रशासनबिच बुधवार भएको छलफलमा सहमति जुटेपछि शुल्क विवाद समाधान भएको हो ।
नयाँ शैक्षिक सत्रमा एमबिबिएस र वीडीएसमा कलेजले शिक्षण शुल्क बढी माग गरेको भन्दै शुल्क घटाउनुपर्ने मागसहित विद्यार्थीका अभिभावकहरूले असहमति जनाएका थिए । त्यसपश्चात् कलेजसँग भएको छलफलमा दुवै पक्षबिच सहमति जुटेको विद्यार्थीका अभिभावकहरूले जनाएका छन् ।
सहमतिसँगै बिहीबारबाट पठनपाठन सुरु हुने भएको छ ।
