सगरमाथा स्कुलको २४ औँ वार्षिकोत्सव सम्पन्न : चित्रकलापुस्तक र कवितासङ्ग्रह सार्वजनिक (फोटो फिचर)

बेलबारी, ११ पुस ।  सगरमाथा ईङिलस स्कुल, बेलबारीको २४ औँ वार्षिकोत्सव कार्यक्रम सम्पन्न भएको छ । शुक्रवार बेलबारी १ स्थित मदनमोहन आश्रित पुष्परत्न सांस्कृतिक भवनमा स्कुलको २४ औँ वार्षिकोत्सव सम्पन्न भएको हो ।

कार्यक्रममा “सगरमाथाका रङहरू” चित्रकला पुस्तक र “सगरमाथाका कविहरू ” कविता सङ्ग्रह समेत सार्वजनिक गरियो छ । चित्रकला पुस्तक र कविता सङ्ग्रह बेलबारी नगरपालिकाका प्रमुख ज्ञानेन्द्र सुवेदी र उपमेयर ढाकाकुमारी पराजुलीद्वारा संयुक्त रूपमा सार्वजनिक गरिएको थियो ।

कार्यक्रमलाई सम्बोधन गर्दै नगर प्रमुख सुवेदीले बेलबारीको भूभाग भित्र शिक्षाको क्षेत्रलाई व्यवस्थित गर्ने, गुणस्तरीय शिक्षा हासिल गर्न अवलम्बन गर्नु पर्ने विधि नीतिका कुरामा र विद्यालयमा अध्ययनरत बालबालिकालाई कसरी अब्बल बनाउन सकिन्छ भन्ने कुरामा नगरपालिकाको ध्यान केन्द्रित रहेको बताएका छन् । नीति र विधिमा ध्यान केन्द्रित गर्दै नगरपालिकाले सामुदायिक र संस्थागत विद्यालयहरूलाई समन्वयकारी भूमिका निर्वाह गराउने, नगर प्रमुख सुवेदीले बताएका छन् ।

सगरमाथा स्कुलका विद्यार्थीहरूले बनाएका चित्रहरूलाई समेटेर “सगरमाथाका रङहरू” चित्रकला पुस्तक तयार भएको छ । पुस्तकमा शिशु देखी १० कक्षा सम्मका विद्यार्थीहरूको २ सय भन्दा बढी चित्रहरू रहेको छ भने “सगरमाथाका कविहरू ” कविता सङ्ग्रहमा कक्षा २ देखी १० सम्मका विद्यार्थीहरूका ८९ वटा कविताहरू समेटिएको छ ।

कार्यक्रममा सञ्चारकर्मी रेखा गुरुङ र सिर्जना कट्टेललाई समेत सम्मान गरिएको थियो भने विद्यार्थीहरूले कविता वाचन गर्नुको साथै साँगीतिक प्रस्तुति पनि गरेका थिए ।
कुनै पनि विद्यार्थीहरू जान्ने र कमजोर भन्ने नभएर सृजनशील र प्रतिभाशाली हुने, स्कुलका प्रधानाध्यापक इरान राई बताउँछन् । स्कुलका विद्यार्थी, अभिभावक र शिक्षकहरूको सहयोगमा नै “सगरमाथाका रङहरू” चित्रकला पुस्तक र “सगरमाथाका कविहरू ” कविता सङ्ग्रह बन्न सफल भएको प्रधानाध्यापक राईले बताए । स्कुलले व्यवहारिक शिक्षामा विश्वास गर्ने प्रधानाध्यापक राई बताउँछन् ।

कार्यक्रममा स्थानीय समाजसेवी पर्शुराम सुवेदी, महेन्द्र सुवेदी, रमेश तामाङ, वाड नं. १ का अध्यक्ष चक्र खुलाल लगायतको उपस्थिति रहेको थियो ।
स्कुलका विद्यार्थी दीक्षा खुलाल र प्रशान्त खुलालले कार्यक्रमको सञ्चालन गरेका थिए भने विद्यालय निर्देशक लेखबहादुर धिमालले स्वागत मनतब्य राखेका थिए । बि.स २०५२ सालमा स्थापना भएको सगरमाथा ईङिलस स्कुलको २४ औँ वार्षिकोत्सव विद्यालय व्यवस्थापन समितिका अध्यक्ष रामकुमार राईको सभापतित्व सम्पन्न भएको हो ।

(फोटो : भिम कुलुङ राई)