काठमाडौँ ,२४ मङ्सिर । दशरथ रंगशालामा भएको पुरुष फुटबलको फाइनल खेलमा नेपाल र भुटानको गोल अग्रता बराबरी रहेको छ ।
नेपालमा भई रहेको १३ औँ दक्षिण एसियाली खेलकुद प्रतियोगिता (साग) को पुरुष फुटबल खेलमा १६ औँ मिनेटमा अभिषेक रिजालले गोल गरेता पनि भुटानका कप्तान चेम्चो ग्याल्सेनले ३७ औ मिनेटमा बराबरी गोल बनाएको छ ।
समूह चरणमा साग पुरुष फुटबल खेलमा नेपालसँग ४-० ले भुटान पराजित भएको थियो । भुटानले बङ्गलादेश, मालदिभ्स र श्रीलंकालाई हराएपछि नेपालसँग फाइनल स्थान बनाएको हो ।
