प्रचण्डले दाउपेच सुरु गरेपछि हस्तक्षेप गरेका हौँ : प्रदीप ज्ञवाली


इटहरी । २०८० साल पुस १० गते एमालेले प्रधानमन्त्री बनाएका प्रचण्डले ११ गतदेखि नै दाउपेच गर्न सुरु गरेको नेकपा (एमाले) केन्द्रीय उपमहासचिव प्रदीप ज्ञवालीले बताउनु भएको छ । १४ महिना पुरानै गठबन्धनले काम गरे पनि युवाहरूमा निराशा, सुन तस्करीमा वृद्धि र प्रतिगामीहरू खुले व्यवस्था विरुद्ध बोल्ने वातावरण निर्माण गरिएकाले एमालेले राजनीतिक हस्तक्षेप गर्नु परेको बताउनु भएको छ ।

आइतबार इटहरीमा नेकपा (एमाले) ले आयोजना गरेको जरा केन्द्रित तीन महिने अभियानको अभिमुखीकरण कार्यक्रममा जिल्लाभरिबाट आएका १ हजार २ सय नेता कार्यकर्ताहरूलाई प्रशिक्षण प्रदान गर्दै ज्ञवालीले भन्नु भयो हामीले कुनै सर्तबिना ब्लाङ्क चेकमा हस्ताक्षर गरेर प्रधान मन्त्री बनाएको भए पनि प्रचण्डले कहिले काँग्रेसको काँधमा र कहले एमालेको काँधमा बन्दुक राखेर एक अर्कालाई हान्ने र ५ वर्ष सरकार चलाउने षड्यन्त्र गरेपछि एमालेले देशको रक्षाका लागि राजनीतिक हस्तक्षेप गर्नुपरेको बताउनुभयो ।

२०६४ सालको निर्वाचनका अपवाद बाहेक अन्य सबै निर्वाचनहरूमा एमाले र काँग्रेस पहिलो र दोस्रो हुँदै आइरहेको पार्टी हो । र लोकतन्त्रको निर्माता पार्टी एमाले काँग्रेस हो । एमाले काँग्रेस मिलेरै राणा विरोधी आन्दोलन गरेका हौँ, २०४६ आन्दोलन सफल बनाएका हौँ २०६२/०६३ को आन्दोलन मार्फत राजालाई फालेर गणतन्त्र ल्याएका हौँ वहाँले भन्नु भयो । वहाँले भन्ने भयो प्रचण्ड यतिसम्म दाउपेच गर्छन् आफ्नै पार्टीका नेताहरू पासाङ र अमिक शेरचनलाई राष्ट्रपति बनाउने एमाले प्रस्ताव अस्वीकार गर्छन् ।

ज्ञवालीले थप्नुभयो माओवादीको ३२ सिटे जादुलाई असफल बनाउन र एमाले काँग्रेसबिच प्रतिस्पर्धा मात्रै होइन देशका लागि सहकार्य पनि गर्न सक्ने भएकाले अहिले एमाले काँग्रेस गठबन्धनको सरकार निर्माण गरिएको ज्ञवालीले बताउनु भयो । एमाले स्थायी कमिटी सदस्य तथा कोशी इन्चार्ज शेरधन राई, केन्द्रीय सदस्य तथा सुनसरी इन्चार्ज जगदीश कुसियत लगायतले अभिमुखीकरण गर्नु भएको छ ।

कार्यक्रममा सुनसरीमा रहेका एमाले प्रदेश कमिटीका नेताहरू, जिल्ला कमिटीका नेताहरू, पालिका कमिटीका पदाधिकारीहरू सहित १ हजार २ सय सहभागी रहेको एमाले कोशी प्रदेश प्रचार विभाग उपप्रमुख भीमज्वाला राईले जानकारी गराउनु भयो । एमाले सुनसरी अध्यक्ष पर्शुराम यादवको अध्यक्षमा भएको अभिमुखीकरण कार्यक्रमको सञ्चालन पार्टी जिल्ला सचिव राम कोइराला र स्वागत मन्तव्य उपसचिव याम सुब्बाले गर्नु भएको छ ।

प्रतिक्रिया दिनुहोस्