केराबारी । केराबारीमा तेस्रो कुसुमे उँधौली कप फुटबल प्रतियोगिता हुने भएको छ । उँधौली पर्व (चासोक तङ्नाम, साकेला, चासुवा, फूलस्याँदार) को अवसरमा केराबारी गाउँपालिका वडा नं.९ मा मङ्सिर ३० गते देखी हुने भएका हो ।
कुसुमे साईनिङ क्लब केराबारी ९ को आयोजनामा हुने प्रतियोगितामा ८ वटा फुटबल टिमबिच प्रतिस्पर्धा हुने छ । जसमा सुनसरीको ए.पि.एफ पकली, पटनाली फुटबल क्लब, धरान, गोल्डेन स्टार क्लब, दुहबी, झापाको चुलाचुली फुटबल क्लब, रोयल स्र्पोटिङ क्लब, दमक, मोरङको लेटाङ फुटबल क्लब, भाउन्ने यूथ क्लब, बेलबारी र आयोजक टिम कुसुमे साइनिङ क्लब रहेको छ ।
आयोजकका अनुसार उद्घाटन खेल ए.पि.एफ पकली र लेटाङ फुटबल क्लबबिच हुने छ । मुख्या सहयोगी केराबारी गाउँपालिका रहेको छ भने मुख्या प्रायोजक देविझोडा सामुदायिक वन रहेको आयोजकले जनाएको छ ।
