बेलबारी । बेलबारीमा कोशी प्रदेश स्तरीय दोस्रो मेयर कप ब्याडमिन्टन प्रतियोगिता आज (बिहीबार) देखी सुरु भएको छ । बेलबारी नगरपालिका वडा नं. ११ लक्ष्मी मार्ग खेलमैदानमा रहेको कबडहलमा औपचारिक रूपमा खेलको उद्घाटन भएको छ ।
खेल मङ्सिर १ गतेसम्म हुने आयोजक संस्था डाँगीहाट ब्याडमिन्टन क्लबले जनाएको छ । म्यनस डबल ओपन, भेट्रान डबल, अन्डर १७ र महिला जोडीमा नगर स्तरीय खेल हुने छ ।
संस्थाका अध्यक्ष बलबहादुर तामाङका अनुसार म्यनस डबल ओपनमा प्रथमले रु.३० हजार, दोस्रोले २० हजार, तेस्रो र चौथोले ७ हजार ५ सय नगद पुरस्कार प्राप्त गर्ने छ । भेट्रान डबलमा प्रथमले रु.२० हजार, दोस्रोले १८ हजार, तेस्रो र चौथोले ६ हजार नगद पुरस्कार प्राप्त गर्ने छ ।
अन्डर १७ र महिला जोडीमा नगर स्तरियता पहिलो, दोस्रो, तेस्रो र चौथोले क्रमशः, रु.१० हजार, ७ हजार, ३ हजार र ३ हजार प्राप्त गर्ने छन् । साथै अन्तर सदस्यबिच पनि प्रतिस्पर्धा हुने छ । जस अन्तरगत प्रथमले रु.१५ हजार, दोस्रोले १० हजार, तेस्रो र चौथोले ४ हजार नगद पुरस्कार प्राप्त गर्ने छ ।
