बेलबारी । कण लघुकथा मञ्च, बेलबारी, मोरङको प्रथम साधारण सभा बेलबारी नगरपालिकाको बेतनाकक्षमा आज सम्पन्न भएको छ । लघुकथाको विकास, विस्तार र प्रचारलाई मुख्य लक्ष्य राखेर जिल्ला प्रशासन कार्यालय, मोरङमा २०८१ वैशाख २४ गते दर्ता भएको मञ्चले पाँच महिनाभित्रै कार्य समिति प्राप्त गरेको छ । कोशी प्रदेशकाले मात्र साधारण सदस्य तथा देशभरका लघुकथाकार/साहित्यकारहरूले आजीवन सदस्य बन्न पाउने व्यवस्था रहेको मञ्चका नवनिर्वाचित अध्यक्ष दिपकुमार मङ्ग्राती, उपाध्यक्ष उमा सिजापती, सचिव शारदा दाहाल भण्डारी, सहसचिव पवित्रा सापकोटा र कोषाध्यक्ष कुमार श्रेष्ठ रहेका छन् । सदस्यहरूमा विष्णु भण्डारी आचार्य, रोशन पराजुली, सुशीला सुवेदी पाठक र अम्बिकाप्रसाद कोइराला ‘अकेला’ तथा लेखा सदस्यमा नवराज पोखरेल नवसिला निर्वाचित भएका छन् ।
सोही अवसरमा प्रमुख अतिथि बेलबारी नगरपालिकाका प्रमुख दिलप्रसाद राई, विशिष्ट अतिथिहरू वरिष्ठ साहित्यकार हर्कमान तामाङ, वरिष्ठ संस्कृतिकर्मी मधु गुरुङ, बेलबारी प्रज्ञा–प्रतिष्ठानकी अध्यक्ष रेखा सुवेदी, अध्यक्ष दिपकुमार मङ्ग्रातीले कोशी प्रदेशका मोरङ, सुनसरी, झापा, उदयपुर, ओखलढुङ्गा, भोजपुर, सङ्खुवासभा र तेह्रथुम गरी आठ जिल्लाका ८८ जना लघुकथाकारहरूको ९४ ओटा लघुकथाहरू सङ्गृहीत कृति ‘कण’लाई सार्वजनिक गरेका थिए । प्रमुख अतिथि राईले मौलिक भाषा, संस्कृति र समकालीन विषयहरूलाई विषयवस्तु बनाएर साहित्य लेखिनुपर्ने विषयमा जोड दिँदै ‘उल्का’ शीर्षकको आफ्नै लघुकथा सुनाएका थिए ।
कार्यक्रममा अतिथि सम्पादक ईरानराईले सिर्जना नमर्ने गरी कम्तीमा १०० शब्द शुद्ध लेख्न ख्याल गर्दै सङ्ग्रहका लागि बेलैमा रचना प्रेषित गर्नुपर्ने बताए । नवनिर्वाचित अध्यक्ष मङ्ग्रातीले मञ्च र लघुकथालाई अझ व्यापक बनाउँदै नयाँ उचाइमा पु¥याउने प्रतिबद्धता जनाएका थिए । सो कार्यक्रममा रमेन्द्र कोइराला, शुक्रराज कुँवर, यज्ञ परिश्रमी, दिलीप राई सगर, नीरज कोइराला, जेबी खत्री, ऋषि तिवारी, भूपाल अधिकारी, तीर्थराज सिग्देलले लघुकथा वाचन गरेका थिए । उक्त कार्यक्रममा सरण राई, हरिकान्त पौडेल, तिला लेकाली र रमेश निरौला, विनोद घिमिरे अतिथि रहेका थिए ।
