बेलबारी । मोरङको बेलबारीमा दुई मोटरसाइकल ठोक्किएको छ । बेलबारी नगरपालिका वडा नं.१ सिसौली चोक स्थित पूर्वपश्चिम लोकमार्गमा सोमबार दुईवटा मोटरसाइकलको दुर्घटना भएको हो ।
प्रहरीका अनुसार बेलबारीबाट बिराटचौक तर्फ जाँदै गरेको प्र.१–०४–००१ नम्बरको मोटरसाइकल र दक्षिणबाट उत्तर तर्फ बाटो क्रस गर्दै गरेको को.२५ प ७८८९ नम्बरको मोटरसाइकल एकापसमा ठक्कर खाई दुर्घटना भएको हो । दुर्घटनामा को.२५ प ७८८९ नम्बरको मोटरसाइकल चालक बेलबारी ८ राधानगर बस्ने वर्ष ७३ को इन्द्र बहादुर कोइरालाको दाहिने खुट्टामा चोट लागेको छ । कोइरालालाई विराटनगरको नोबेल अस्पताल उपचारको लागि पठाइएको प्रहरीले जनाएको छ ।
प्र.१–०४–००१ नम्बरको मोटरसाइकल चालक पाँचथर तुम्बेवा गाउँपालिका वडा नं.२ बस्ने वर्ष २१ को सन्तोष तामाङ हुन । तामाङलाई इलाका प्रहरी कार्यालय बेलबारीले नियन्त्रणमा लिएको छ ।
