काठमाडौँ । पेस्तोल, धारिलो हतियारसहित एक युवकलाई प्रहरीले पक्राउ गरेको छ । जिल्ला ताप्लेजुङ फुङलिङ नगरपालिका वडा नं. ०९ निवासी हाल काठमाडौँ वडा नं. ०६ सरस्वतीनगर बस्दै आएका वर्ष २८ का प्रशान्त पराङदेवा लिम्बुलाई हातहतियारसहित पक्राउ गरेको हो ।
जिल्ला प्रहरी कार्यालय काठमाडौँका अनुसार गुण्डागर्दी तथा अवैध हातहतियार नियन्त्रण गर्ने अभियान अन्तर्गत कपन क्षेत्रमा पछिल्लो समयमा गुण्डागर्दी गर्ने र समाजमा भय त्रास सृजना गर्ने व्यक्तिहरूको खोजतलास गर्ने क्रममा शङ्कास्पद गतिविधिहरू गरेको सूचनाको आधारमा लिम्बु बस्ने घरमा खोजतलास गर्दा कटुवा पेस्तोल १ थानसहित धारिलो चक्कु २ थान बरामद भएको छ । प्रहरीले हतियारसहित फलामको हम्बर १ थान र २ थान मोबाइल पनि बरामद गरेको छ ।
