बेलबारी । बेलबारीमा छैठौँ मेयर कप फुटबल प्रतियोगिता २०८० सुरु भएको छ । बेलबारी नगरपालिका वडा नं.१ स्थित नक्सल खेल मैदानमा प्रतियोगिताको उद्घाटन भएको छ ।
मेयर कपको पाँचौँ संस्करण सम्पन्न भइसक्दा बेलबारीमा पहिलो पटक लिग फुटबल भएको हो । पहिलो उद्घाटन खेल बेलबारी वडा नं. १ र ८ बिच भएको छ ।
दुवै टिमले खेलको निर्धारित समय भित्र गोल गर्न नसक्दा बराबरीमा खेल सकिएको छ । दुवै टिमले १/१ अङ्क प्राप्त गरेको छ । मङ्गलवार बेलबारी वडा नं.३ स्थित प्रस्तावित बेलबारी रङ्गशाला खेल मैदानमा वडा नं.३ र ४ बिच प्रतिस्पर्धा हुने छ ।
फाइनल खेल माग २० गते हुने आयोजकले जनाएको छ । प्रतियोगिताको विजेताले रु.१ लाख ११ हजार १ सय ११ र उपविजेताले रु.५५ हजार ५ सय ५५ नगद पुरस्कार प्राप्त गर्ने छ ।
