वीरगंज । डाक्टर्स क्लब एण्ड जिएमको आयोजना तथा सानो दीप (अ लिटील लाइट) को सहयोगमा वीरगंजमा निःशुल्क दन्त शिविर सम्पन्न भएको छ । वीरगंज महानगरपालिकाको वडा नं।५ अमर चौकमा स्थानीय बालबालिका तथा युवाहरूको दन्तरोग परीक्षण सेवा सम्बन्धी एक दिने निःशुल्क शिविर सम्पन्न भएको हो ।
सानो दिपका अध्यक्ष कृष पटेका अनुसार शिविरमा १७७ जनाले दन्त स्वास्थ्य जाँच गराएका छन् । दन्त स्वास्थ्य जाँच शिविरमा परीक्षण गराएका हरेक व्यक्तिलाई उज्ज्वल डेन्टल केयर एण्ड अर्थोडोन्टिक सेन्टरमा ३० प्रतिशतसम्म छुट उपलब्ध हुने डाक्टर शिवानी गुप्ता बताइन ।
परीक्षण गरिएका विद्यार्थीलाई हाईजिङ किट ब्याग वितरण गरिएको छ । निःशुल्क दन्त शिविरमा दन्त स्वास्थ्य जाँच गराउनुका साथै औषधी वितरण, आवश्यक परामर्श निःशुल्क उपलब्ध गराएको डाक्टर्स क्लब एण्ड जिएमका सञ्चालक डा। जफर आलमले जनाएका छन् । डाक्टर्स क्लब र जिमको सहकार्यमा निःशुल्क दन्त शिविरमा डा. दिलीप यादवको सहयोगमा सम्पन्न भएको हो ।
