गाजा । युद्ध विरामको बिचमा इजरायली सेनाले वेस्ट बैङ्कमा ६ जनाको हत्या गरेको छ । इजरायली सेनाले कब्जा गरेको वेस्ट बैङ्कमा ६ जना प्यालेस्टिनीको हत्या गरेको प्यालेस्टिनी स्वास्थ्य मन्त्रालयले जनाएको छ ।
शनिवार जेनिन सहरमा घुसपैठ गर्ने क्रममा इजरायली फायरबाट चार प्यालेस्टिनीको मृत्यु भएको मन्त्रालयले जनाएको छ । शनिवार बिहान जेनिन नजिकै कबाटियामा रहेको उनको घरबाहिर २५ वर्षीय डाक्टरको पनि हत्या भएको थियो भने रामल्लाह नजिकैको अल बिरेहमा अर्का प्यालेस्टाइनीको हत्या भएको मन्त्रालयले जनाएको छ ।
हमासले अक्टोबर ७ मा दक्षिणी इजरायलमा गरेको हमलापछि वेस्ट बैंकले इजरायली आक्रमणमा वृद्धि भएको भोग्दै आएको छ । हमासले गरेको आक्रमणपछि उक्त क्षेत्रमा ५२ बालबालिकासहित कम्तीमा २२९ प्यालेस्टाइनी मारिएका छन् । एजेन्सी
