सुनसरी । सुनसरीको वराहक्षेत्र नगरपालिका–१ चतरापुल नजिकै १२० किलो गाँजासहित प्रहरीले ६ जनालाई पक्राउ गरेको छ । प्रहरीले वराहक्षेत्र जाने सडकबाट हिजो प्रदेश १–०२–०५० प ६३०४ नम्बरको मोटरसाइकल र बीआर ०२ आर ९९९४ नम्बरको जीपमा लैजाँदै गरेको गाँजासहित उनीहरूलाई पक्राउ गरेको हो ।
पक्राउ पर्नेमा भारतका ३६ वर्षीय महोम्मद सिराज, २० वर्षीय अस्ताजु आलम, १९ वर्षीय नसिम आलम, ५२ वर्षीय ओम प्रकाश रजक, सुनसरीका देवनागञ्ज गाउँपालिका ५ बस्ने ३१ वर्षीय ओम प्रकाश साह र २० वर्षीय शिवम साह रहेका छन् । नियन्त्रणमा लिएको गाँजा, जीप, मोटरसाइकल र पक्राउ परेका छ जनालाई जिल्ला प्रहरी कार्यालय सुनसरीमा लगिएको प्रहरीले जनाएको छ ।
