रौतहट, २६ कात्तिक । ईशनाथ नगरपालिकामा रहेका मठिया प्रहरी चौकीमा विस्फोट हुँदा एक प्रहरी जवान घाइते भएका छन् ।
सेन्ट्री पोस्टमा रहेका प्रहरी जवान रञ्जित यादव घटनामा घाइते भएको हो । घटना स्थलबाट भारत विहारको ढाका भन्ने स्थानमा बस्ने चन्दन कुमार लाई पक्राउ गरेको छ ।
घटनामा प्रयोग भएको भन्दै बीआर ०५ एच ६५०९ नम्बरको मोटरसाइकल पनि प्रहरीले नियन्त्रणमा लिएका छन् । मोटरसाइकलमा सवार अर्का व्यात्ति भने फरार छन् ।
सीमा क्षेत्रमा रहेको चौकीबाट घटनाको बारेमा सञ्चार सेटमा सूचना आएकोले थप जिल्लाबाट प्रहरी टोली घटनास्थलमा पुगिसकेको प्रहरी प्रमुख एसपी भूपेन्द्र खत्रीले बताए ।
