सुनसरी । विराटनगर उपमहानगरपालिका–५ का २८ वर्षीय रोहित चौधरीको गोली हानी हत्या गरिएको छ । आज (शुक्रवार) सुनसरीको धरान–इटहरी सडक खण्डको तरहरा जंगललमा उनीमाथि गोली हानिएको हो ।
धनकुटाबाट विराटनगरतर्फ जाँदै गरेका चौधरीमाथि अज्ञात समूहले तरहराको चारकोशे जङ्गलमा गोली प्रहार गरी लुटपाट गरेको बताइएको छ । गोली प्रहारबाट गम्भीर घाइते चौधरीको उपचारका क्रममा बीपी कोइराला स्वास्थ्य विज्ञान प्रतिष्ठान धरानमा मृत्यु भएको हो ।
उनको दायाँ कोखामुनि गोली लागेको प्रतिष्ठानका चिकित्सकले जानकारी दिएका छन् । गोली प्रहार गर्ने समूहको खोजी भइरहेको जिल्ला प्रहरी कार्यालय सुनसरीका प्रवक्ता डीएसपी राजकुमार राईले बताएका छन् ।
